एजेन्सी
स्वीडेनका स्वास्थ्य अधिकारीले मोर्डनाको कोभिड १९ विरुद्धकोको खोप ३० भन्दा कम उमेरका मानिसमा लगाउन बन्द गरेका छन् ।
अधिकारीहरूले उक्त खोप रोक्नुको कारण यसको ‘साइड इफेक्ट’ प्रमुख रहेको जनाएका छन् । मुटुको मांसपेशी वा पेरिकार्डियम सुन्निने जस्ता साइड इफेक्टको बढ्दो जोखिमका कारण उक्त खोप लागाउँन हाललाई स्थगित गरिएको अन्तर्राष्ट्रिय सञ्चार माध्यमले जनाएका छन् ।
स्वीडेनका प्रमुख महामारीविद् एन्डर्स टेगनेका अनुसार परिस्थितिलाई नजिकबाट नियालेर कोभिड विरुद्धको खोप पुनः लगाउँन सुरक्षाको सुनिश्चिता भएपछि छिटै आवश्यक कदम चालिनेछ ।
गत जुलाईमा युरोपेली औषधि एजेन्सीले १२ देखि १७ वर्ष उमेर समूहका व्यक्तिलाई उक्त खोप लगाउँने अनुमति प्रदान गरेको थियो ।
युरोपेली युनियनका २७ देशहरूमा १८ वर्षमाथिका व्यक्तिहरूलाई सो खोप लगाउँन गत जनवरीमा अनुमति प्रदान गरिएको थियो। यद्यपि यो खोप हालसम्म बालबालिकालाई लगाउँन भने अनुमति दिइएको छैन ।
