इन्द्रेणीपोष्ट
काठमाडौं । सिद्धार्थ बैंकले लाभांश घोषणा गरेको छ । कात्तिक ७ गते आइतबार बसेको बैंक सञ्चालक समितिको बैठकले आर्थिक वर्ष २०७७/०७८ को मुनाफाबाट सेयरधनीलाई वितरण गर्ने लाभाशं प्रस्ताव गरेको हो ।
बैंकले सेयरधनीलाई हाल कायम चुत्ता पुँजी १० अर्ब ९६ करोड २२ लाख ९९ हजारको १४.२५ प्रतिशत बोनस सेयर र बोनस सेयरमा लाग्ने कर प्रयोजनार्थ ०.७५ प्रतिशत नगद लाभांशसहित कुल १५ प्रतिशत लाभांश वितरण गर्ने प्रस्ताव गरेको छ ।
बैंकको प्रस्तावित लाभांश नेपाल राष्ट्र बैंकबाट स्वीकृत भएर आगामी वार्षिक साधारणसभाबाट पारित भएपछि सेयरधनीमा वितरण हुनेछ ।
