इन्द्रेणीपोष्ट
काठमाडौं । पछिल्लो २४ घण्टामा २९५ जना कोरोना संक्रमित थपिएका छन् । देशभर गरिएको ५ हजार २२५ पीसीआर र ३ हजार १८ जनाको एन्टीजेन परीक्षणका क्रममा २९५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यो सँगै कुल संक्रमितको संख्या ८ लाख १६ हजार ६७५ जना पुगेको छ । कुल संक्रमितमध्ये ७ हजार २७८ सक्रिय संक्रमित छन् । गत २४ घण्टामा ४७८ जना संक्रमित निको भएका छन् । यो सँगै देशभर निको हुनेको संख्या ७ लाख ९७ हजार ९२६ पुगेको छ ।
उक्त अवधिमा २ जना संक्रमितको मृत्यु भएको मन्त्रालयले जनाएको छ । हालसम्म कोरोना संक्रमणबाट मृत्यु हुनेको संख्या ११ हजार ४७१ पुगेको छ । हाल ९८ जना क्वारेन्टाइनमा छन् । १९३ जना आइसीयू र ५७ जना भेन्टिलेटरमा रहेको मन्त्रालयले जनाएको छ ।
