इन्द्रेणीपोष्ट
नेपाल स्टक एक्सचेञ्ज नेप्से मा साताको कारोबारको चौथोे दिन आज बुधबार दोहोरो अंकको गिरावट आएको छ । आज नेप्से ५३।१० अंकले घटेर दुई हजार ४ सय ५५ दशमलब ८१ विन्दुमा थामिएको हो । त्यस्तै, आज कारोबारसँगै इन्डेक्स पनि घटेको छ । आज २ अर्ब ६६ करोड ३९ लाख बराबरको कारोबार भएको छ ।
आज कारोबार भएका ७ वटा कम्पनीको शेयरमूल्य बढेको छ भने १८१ वटा कम्पनीको शेयरमूल्य घटेको छ । त्यस्तै, एक कम्पनीको शेयरमूल्य स्थिर रहेको छ ।
नेप्सेका अनुसार आज सामुदायि लघुवित्त र एकसेल डेभलपमेन्ट बैंकको शेयरमूल्यमा उच्च गिरावट आएको छ । आज यस कम्पनीको शेयरमूल्य करिब ८ प्रतिशत भन्दा बढीले घटेको छ ।
यस्तै, कारोबारको आधारमा आज सबैभन्दा बढी कारोबार नेशनल हाइड्रोपावरको भएको छ । यस बैंकको आज ११ करोड ८८ लाख भन्दा बढीको कारोबार भएको छ ।
