इन्द्रेणीपोष्ट
काठमाडौं । नेपाल स्टक एक्सचेञ्ज (नेप्से)मा साताको कारोबारका तेस्रो दिन आज मंगलबार दोहोरो अंकले वृद्धि भएको छ । आज नेप्से ४९.१९ अंकले बढेर दुई हजार ८ सय ३४ दशमलब १३ विन्दुमा पुगेको हो ।
मंगलबार ६ अर्ब ७२ करोड ४५ लाख बराबरको कारोबार भएको छ । ८ वटा कम्पनीको शेयरमूल्यमा उच्च वृद्धि भएको छ ।
मध्यभोटेकोशी जलविद्युत कम्पनी, नारायणी डेभलपमेन्ट बैं, नेपाल फाइनान्स, पोखरा फाइनान्स, कर्पोरेट डेभलपमेन्ट बैंक, सिभिल लघुवित्त, न्यादि जलविद्युत र मितेरी डेभलपमेन्ट बैंकको शेयर मूल्यमा उच्च वृद्धि देखिएको छ । यी कम्पनीको शेयरमूल्य आज सर्किट लेभलमा बढेको हो ।
आज कारोबारको आधारमा आज सबैभन्दा बढी कारोबार अपि पावरको भएको छ । यस कम्पनीको आज १६ करोड ८३ लाख भन्दा बढीको कारोबार भएको छ ।
