इन्द्रेणीपोष्ट
काठमाडौं । नेपाली बजारमा आइतबार सुन तथा चाँदी दुवैको भाउ बढेको छ । नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य तोलामा १ सय रुपैयाँले तथा चाँदी तोलामा ५ रुपैयाँले बढेको छ ।
आज छापावाल ९२ हजार ५ सय रुपैयाँमा कारोबार भइरहेको महासंघको भनाइ छ । अघिल्लो सुन दिन प्रतितोला ९२ हजार४ सय रुपैयाँमा कारोबार भएको थियो ।
नेपाल सुनचाँदी व्यवसायी महासंघले सार्वजनिक गरेको विवरणानुसार आज तेजाबी सुनको मूल्य प्रतितोला ९२ हजार रपैयाँमा कारोबार भइरहेको छ ।
त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला ५ रुपैयाँले बढेर १२ सय ५५ मा कारोबार भएको महासंघले जनाएको छ ।
महासंघले अन्तर्राष्ट्रिय बजारमा सुन तथा चाँदीका मूल्यमा हुने परिवर्तनका आधारमा यहाँ दैनिक कारोबार मूल्य तोक्दै आएको छ ।
