इन्द्रेणीपोष्ट
काठमाडौं । नेपाल आयल निगमले संचित रकम सकिएपछि तेल किन्न ऋण लिनुपर्ने अवस्था आएको जनाएको छ ।
निगमले तेल व्यवस्थापनका लागि ऋण लिनुपर्ने वा मूल्य स्थिरीकरण कोषमा बाँकी भएको रकम प्रयोग गर्नुपर्ने स्थिति देखिएको बताएको छ ।
निगमले विज्ञप्ति जारी गर्दै अन्तराष्ट्रिय बजार मूल्य अनुरुप नेपालमा तेलको मूल्य समायोजन गर्न नसक्ने स्थिति आएको बताएको छ ।
निगमसँग संचित बचत शू्न्यको अवस्थामा पुगेकाले इण्डियन आयल कर्पोरेशनलाई आगामी २३ जनवरी २०२२ मा गर्नुपर्ने भुक्तानीका लागि करिब २ अर्ब अपुग हुने स्थित देखिएको छ,ुविज्ञप्तिमा उल्लेख छ ।
ुयसको व्यवस्थापनका लागि निगमले ऋण लिनुपर्ने वा मूल्य स्थिरीकरण कोषमा बाँकी भएको रकम प्रयोग गर्नुपर्ने स्थिति देखिएको छ ।
आउँदा दिनमा केही मूल्य समायोजन गरिए तापनि महिनाको करिब ४ अर्ब रुपैयाभन्दा बढी मासिक घाटा रहि रहने देखिएको हुँदा आगामी घ महिनासम्मको लागि देशभर पेट्रोलियम पदार्थको आपूर्ति व्यवस्था सहज बनाइ राख्न हालको खरिद मूल्य अनुसार निगमलाई न्यूनतम करिब १२ अर्ब रुपैयाँको आवश्यकता पर्ने देखिको छ,ुविज्ञप्तिमा उल्लेख छ ।
यस्तै निगमले चालु आर्थिक वर्षको पुस मसान्तसम्मको ६ महिनाको अवधिमा अनुमानित १९ अर्ब २६ करोड घाटा ब्यहोरेको जनाएको छ ।
