इन्द्रेणीपोष्ट
काठमाडौं । साताको पहिलो कारोबार दिन आइतबारको प्रि ओपन सेसनमा नेप्से परिसूचक साढे ११ अंक बढेको छ ।
बिहीबार ३३.०३ अंक बढेर २९३१.३४ विन्दुमा बन्द भएको नेप्से आजको सो सेसनमा ११.६३ अंक बढेर २९४२.९७ विन्दुमा पुगेको छ । सो सेसनमा सेन्सेटिभ इण्डेक्स पनि १.५९ अंक बढेको छ ।
आइतबार प्रि ओपन सेसनमा ३४ कम्पनीको ८३ लाख ८४ हजार ३६० रुपैयाँ ७९ पैसा बराबरको १३ हजार १८१ कित्ता सेयर खरिदबिक्री भएको छ ।
कारोबारमा आएकामध्ये २५ कम्पनीको सेयरमूल्य बढेको छ भने ५ कम्पनीको सेयरमूल्य घटेको छ । सो सेसनमा चार कम्पनीको सेयरमूल्य भने स्थिर रहेको छ ।
