इन्द्रेणीपोष्ट
![महिन्द्र राय यादव नेतृत्वको नेसपा र माओवादी केन्द्रबीच पार्टी एकताको घोषणा [प्रेसनोटसहित]](https://media.sobizcdn.com/indrenipost.com/media-file/images/2024/03/1710567000-c80xH.jpg)
काठमाडौं । पूर्वप्रधानमन्त्री डा. बाबुराम भट्टराईलाई छोडेर महिन्द्र राय यादव नेतृत्वको समूहले माओवादी केन्द्रसँग पार्टी एकता गर्ने सहमति गरेको छ । ने
पाल समाजवादी पार्टीसँग प्रतिनिधिसभामा दुई सांसद छन् । शनिबार दुवै पार्टीका नेता सम्मिलित एकता संयोजन समिति बैठकले पार्टी एकताको घोषणा गरेको छ ।
नेपाल समाजवादी पार्टीका तर्फबाट महासचिव रमेशप्रसाद यादव र माओवादी केन्द्रका तर्फबाट महासचिव देव गुरुङको हस्ताक्षर रहेको प्रेस नोटअनुसार, एकताका लागि ४ बुँदे सहमति भएको छ ।
पार्टीको नाम आगामी महाधिवेशनबाट टुंगो लगाउने निर्णय भएको प्रेस वक्तव्यमा उल्लेख छ ।
पार्टी एकताका लागि वैचारिक एकरूपता र संगठनात्मक तयारी गर्न संयुक्त कार्यदल पनि गठन गरिएको छ, जसमा माओवादीबाट महासचिव गुरुङ र उपमहासचिव जनार्दन शर्मा तथा नेसपाबाट सहअध्यक्ष गंगानारायण श्रेष्ठ र महासचिव यादव छन् ।
