इन्द्रेणीपोष्ट
काठमाडाैं । काठमाडौंको कालीमाटीस्थित स्वर्णलक्ष्मी सहकारी ठगी प्रकरणमा नेपाली कांग्रेसकी सांसद माया राईविरुद्ध काठमाडौं जिल्ला अदालतमा मुद्दा दायर भएको छ ।
मंगलबार जिल्ला सरकारी वकिल कार्यालय काठमाडौंले जिल्ला प्रहरी परिसर काठमाडौंले गरेको अनुसन्धान प्रतिवेदनका आधारमा राईविरुद्ध मुद्दा दायर गरेको हाे । राईलाई २० जनाको जाहेरीको पुरक अभियोजनमा ३७ लाख ३५ हजार ८४३ रुपैयाँ बिगो मागदाबी गरिएको छ ।
राईलाई वैशाख १३ गते राति कपनस्थित निवासबाट प्रहरीले पक्राउ गरेको हो। उनी स्वर्णलक्ष्मी सहकारी मुद्दामा फरार रहँदै आएकी थिइन् ।
