इन्द्रेणीपोष्ट
काठमाडौं । नेपाल राष्ट्र बैंकले मौद्रिक नीतिमार्फत लिएको व्यवस्थाका कारण प्रभावित सेयर बजार करिब एकवर्ष अगाडिको विन्दुमा आइपुगेको छ । सेयर बजार परिसूचक नेप्से २४०० को लाइनमा झरेको छ ।
मौद्रिक नीतिको प्रथम त्रैमासिक समीक्षामा राष्ट्र बैंकले सीडी रेसियोको विषयमा सम्बोधन गर्ने अपेक्षा पूरा नभएपछि लगानीकर्ता आत्तिएको देखिएको छ ।
सोमबार कारोबार सुरु भएको ५० मिनेटको अवधिसम्म नेप्से ६४ अंकले झरिसकेको छ । गत वर्ष माघ पहिलो हप्ता २४०० बिन्दुमा झरेको नेप्से गत भदौमा ३२०० बिन्दुसम्म पुगेको थियो ।
बैंक तथा वित्तीय क्षेत्रमा भएको तरलता अभावको मनोवैज्ञानिक असर पूँजी बजारमा परेको लगानीकर्ता बताउँछन् ।
