इन्द्रेणीपोष्ट
काठमाडौं । काठमाडौं उपत्यकाका तीन जिल्ला काठमाडौं, ललितपुर र भक्तपुरका प्रमुख जिल्ला अधिकारी (सीडीओ)हरुको बैठक आज बस्दै छ ।
कोरोना संक्रमण दर उच्च हुँदै गएपछि यसको नियन्त्रणका लागि प्रभाकारी कदम कसरी चाल्ने भन्ने निर्णय गर्न बैठक बस्न लागेको हो ।
सार्वजनिक स्थलमा २५ जनाभन्दा धेरै जम्मा हुन नदिन, माघ १५ गतेसम्म शैक्षिक संस्थाहरु बन्द गर्न, सार्वजनिक स्थलमा जाँदा अनिवार्य रुपमा खोप लगाएको खोप कार्ड देखाउनुपर्ने व्यवस्था गर्ने सरकारले निर्णय गरिसकेको छ ।
यसलाई नियमन गर्दै थप प्रभावकारी कसरी बनाउने भन्ने विषयमा बैठकमा छलफल हुने बताइएको छ ।
