इन्द्रेणीपोष्ट
काठमाडौं । नेपाली बजारमा सुनको मूल्य आज पनि बढेको छ ।
हिजो सुनको मूल्य प्रतितोला ९३ हजार एक सयमा कारोबार भएकोमा आज तोलामा तीन सयले बढेको हो ।
मंगलबार पनि सुनको मूल्य तोलामा पाँच सयले बढेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९३ हजार ४ सय रुपैयाँ कायम गरिएको छ भने तेजावी सुनको मूल्य प्रतितोला ९२ हजार ९ सय रुपैयाँ कायम गरिएको छ ।
त्यस्तै, आज चाँदीको मूल्यमा पनि बढेको छ ।
हिजो चाँदीको मूल्य प्रतितोला १२६० मा कारोबार भएकोमा आज बढेर प्रतितोला १२८० रुपैयाँ मूल्य कायम गरिएको महासंघले जनाएको छ ।
