इन्द्रेणीपोष्ट
काठमाडौं । गएको वर्ष भन्दा यस वर्षको पुस महिनामा घ्यू तथा तेलको मूल्य २१ प्रतिशतले बढेको छ ।
नेपाल राष्ट्र बैंकका अनुसार २०७७ पुसमा भन्दा २०७८ पुसमा दाल तथा गेडागुडी पनि ९.२२ प्रतिशतले बढेको छ ।
यातायात क्षेत्रको मूल्य १४.०७ प्रतिशतले बढेको राष्ट्र बैंकले जनाएको छ ।
खाद्यान्नमा मूल्यवृद्धि भएको देखिएको भए पनि समग्र उपभोक्ता मुद्रास्फीति भने ५.६५ प्रतिशत रहेको छ ।
अघिल्लो आर्थिक वर्षमा यो ३.५६ प्रतिशत थियो ।
समग्र खाद्य तथा पेय पादर्थमा ४.९२ र गैर खाद्य समूहमा ६.२३ प्रतिशत मूल्यवृद्धि भएको छ ।
यस बिचमा काठमाडौं उपत्यकामा ५.२८ प्रतिशत मूल्यवृद्धि हुँदा तराईमा ६.१५ र पहाडमा र हिमालमा ५ प्रतिशतभन्दा बढी मूल्यवृद्धि भएको छ ।
