इन्द्रेणीपोष्ट
काठमाडौं । उपप्रधान तथा गृहमन्त्री नारायणकाजी श्रेष्ठले बालुवाटारमा रहेको ललिता निवासको जग्गा छिट्टै सरकारको नाममा ल्याउने दाबी गरेका छन् ।
बुधबार चितवनको माडीमा आयोजित कार्यक्रमलाई सम्बोधन गर्दै उनले ललिता निवास जग्गा सरकारको स्वामित्वमा ल्याउन ठोस पहल थालिएको दाबी गर्दै छिट्टै सरकारकै नाममा दर्ता हुने जिकिर गरे ।
उनले भने, ‘ललिता निवासको सरकारी जग्गा दलाल कर्मचारी र प्रभावशाली राजनीतिक व्यक्तिहरू मिलेर व्यक्तिको नाममा लैजाने काम भएको छ । त्यसलाई अनुसन्धान गरेर ती व्यक्तिलाई कानुनको दायरामा ल्याउँने प्रक्रिया अगाडि बढाइएको छ । छिट्टै त्यो जग्गा सरकार मातहतमा ल्याउने ठोस पहल कदमी चालिने छ ।’
उनले ६० किलो सुन तस्करीको जरासम्मै पुग्ने सबै नेटवर्क पहिचानगरी कानुनको दायरामा ल्याई कारबाही गरिने प्रतिबद्धता पनि जनाए ।
