इन्द्रेणीपोष्ट
काठमाडौं । जाजरकोट भूकम्पबाट पीडितका लागि नेपाल क्रिकेट संघ (क्यान) ले २० लाख रुपैयाँ सहयोग प्रदान गरेको छ ।
जाजरकोट केन्द्रबिन्दु बनाएर गत कात्तिक १७ गते गएको भूकम्पबाट पीडित परिवारका लागि क्यानले गत आईसीसी टी–२० विश्वकप २०२४ को एसिया छनोटअन्तर्गत फाइनल खेलको टिकटबाट प्राप्त ५० प्रतिशत रकम शनिबार प्रधानमन्त्री दैवी प्रकोप सहायता कोषमा जम्मा गराएको हो ।
प्रधानमन्त्रीको सरकारी निवास बालुवाटार पुगेर क्यानको टोलीले २० लाख रुपैयाँको चेक प्रधानमन्त्री पुष्पकमल दाहाल प्रचण्डलाई हस्तान्तरण गरेको हो ।
