इन्द्रेणीपोष्ट
काठमाडौं । नेकपा (माओवादी केन्द्र) का स्थायी कमिटी सदस्यहरूले राष्ट्रिय सभाको अध्यक्ष पद पार्टीले छोडन नहुने धारणा राखेका छन् ।
मंगलबार पार्टी कार्यालय पेरिसडाँडामा बसेका पार्टी स्थायी कमिटी बैठकमा अधिकांश नेताहरूले राष्ट्रिय सभा निर्वाचनमा बारे आ-आफनो समीक्षा गर्दै राष्ट्रिय सभा अध्यक्ष पद पार्टीले छाडनु नहुने मत राखेका हुन् ।
राष्ट्रिय सभा अध्यक्षमा कांग्रेसले नेता कृष्ण सिटौलालाई उठाउने बताइरहेको छ । तर माओवादी स्थायी कमिटी सदस्यहरूले भने सो पद पार्टीले छोड्न नहुने मत राखेको पार्टीका उपाध्यक्ष एवं प्रवक्ता अग्निप्रसाद सापकोटाले जानकारी दिए ।
त्यसैगरी बैठकमा पार्टी नेताहरूको कार्य विभाजन, भावी योजना लगायतका विषयमा पनि छलफल भए पनि निर्णय भने नभएको प्रवक्ता सापकोटाले बताए ।
माओवादी केन्द्रको स्थायी कमिटी बैठक भोलि पनि बोलाइएको छ ।
