इन्द्रेणीपोष्ट
काठमाडौं । नेकपा (एकीकृत समाजवादी)का सम्मानित नेता झलनाथ खनालले प्रधानमन्त्री पुष्पकमल दाहाल ‘प्रचण्ड’सित भेटवार्ता गरेका छन् । शनिबार बिहान प्रधानमन्त्रीलाई भेट्न उनी बालुवाटार पुगेका थिए ।
भेटमा समसामयिक राजनीतिक र आपसी हितका विषयमा कुराकानी भएको खनालको सचिवालयले जानकारी गराएको छ । शनिबारै साँझ खनाल र चार दल आबद्ध समाजवादी मोर्चाका संयोजक नेत्रविक्रम चन्द ‘विप्लव’बीच भेटवार्ता भएको छ ।
खनालको निवास डल्लुमा उनीहरूबीच छलफल भएको हो । त्यसक्रममा देशको वर्तमान अवस्था, कम्युनिस्ट एकताको समस्या र सम्भावना र समसामयिक विषयमा कुराकानी भएको खनालको सचिवालयले जनाएको छ ।
