इन्द्रेणीपोष्ट
काठमाडौं । सभामुख देवराज घिमिरेद्वारा बोलाइएको प्रधानमन्त्रीसहित शीर्ष नेताहरूको बैठक जारी छ ।
बैठक सभामुखको कार्यकक्ष सिंहदरबारमा बसिरहेको सभामुखको सचिवालयले जानकारी दिएको छ ।
प्रमुख विपक्षी नेपाली कांग्रेसले सदनमा निरन्तर गृहमन्त्रीको सहकारी संलग्नता सम्बन्धमा संसदीय छानबिन समिति माग गरेको र चैत २७ देखि बैठक नै अबरुद्ध गर्ने चेतावनी दिएको सम्बन्धमा छलफल गर्न सभामुख घिमिरेले बैठक बोलाएका हुन् ।
बैठक आज (सोमबार) बिहान १०:३० का लागि बोलाइएको भए पनि पछि २ बजेका लागि सरेको थियो ।
बैठकमा सभामुख घिमिरे र प्रधानमन्त्री पुष्पकमल दाहाल प्रचण्ड सहभागी छन् ।
त्यस्तै, माओवादी केन्द्रका हितराज पाण्डे सहभागी छन् । कांग्रेसबाट शेरबहादुर देउवा र रमेश लेखक सहभागी भएका छन् । एमालेका विष्णु पौडेल र महेश बर्तौला सहभागी छन् ।
त्यस्तै रास्वपाका रवि लामिछाने र सन्तोष परियार सहभागी छन् ।
बैठकमा सहभागी एक नेताले दिएको जानकारी अनुसार कांग्रेस सभापति देउवाले गृहमन्त्री रवि लामिछानेमाथिको सत्यतथ्य छानबिनका लागि संसदीय समिति गठन हुनुपर्ने माग अडान राखेका छन् ।
