इन्द्रेणीपोष्ट
काठमाडौं । सत्तारूढ दल नेकपा (एमाले) अध्यक्ष केपी शर्मा ओली र प्रमुख प्रतिपक्षी नेपाली कांग्रेस सभापति शेरबहादुर देउवा भोलि (शनिबार) एउटै मञ्चमा देखिनेछन् ।
ए
मालेद्वारा आयोजित पार्टी राष्ट्रिय महाधिवेशन प्रतिनिधि परिषद्को बैठकमा देउवा र ओली एउटै मञ्चमा देखिनेछन् ।
त्यसका लागि एमालेले आज (शक्रबार) सभापति देउवालाई बैठकमा सहभागी भइदिन आधिकारिक रूपमै निम्तो दिएको छ । शुक्रबार बिहान एमाले नेताहरू देउवा निवास पुगेर निम्तो दिएका हुन् ।
देउवालाई निम्तो दिन देउवा निवास पुगेका एमाले सचिव योगेश भट्टराईले भने, ‘हामीले शुक्रबार पूर्व प्रधानमन्त्री समेत रहेका नेता देउवालाई निम्ता दियौँ । उहाँले निम्तो स्वीकार गर्नु भएको छ । आउँछु भन्नुभएको छ ।’
एमालेको प्रतिनिधि परिषद् बैठक गोदावरीस्थित सनराइज हलमा शनिबारबाट सुरु हुँदैछ ।
