इन्द्रेणीपोष्ट
काठमाडौं । नेपाली बजारमा सुनको मूल्य आज घटेको छ । हिजो सुनको मूल्य प्रतितोला ९४ हजार ४ सयमा कारोबार भएकोमा आज तोलामा नौं सयले घटेको हो । बुधबार सुनको मूल्य तोलामा चार सयले बढेको थियो ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९३ हजार ५ सय रुपैयाँ कायम गरिएको छ भने तेजावी सुनको मूल्य प्रतितोला ९३ हजार रुपैयाँ कायम गरिएको छ ।
त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला १३०० रुपैयाँमा कारोबार भएकोमा आज घटेर १२९० रुपैयाँ मूल्य कायम गरिएको महासंघले जनाएको छ ।
