इन्द्रेणीपोष्ट
आज साताको पहिलो कारोबार दिन सुनको मूल्यमा सामान्य वृद्धि आएको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला १०० रुपैयाँले बढेको हो ।
यससँगै, छापावाल सुनको मूल्य प्रतितोला ९६ हजार ६०० रुपैयाँ पुगेको छ ।
यस्तै, आज तेजाबी सुनको मूल्य प्रतितोला ९६ हजार १०० रुपैयाँ छ ।
गत साताको शुक्रबार छापावाल सुनको मूल्य ९६ हजार ५०० र तेजाबी सुनको मूल्य ९६ हजार रुपैयाँ प्रतितोला थियो ।
यस्तै, सुनको मूल्य सामान्य उकालो लागे पनि आज चाँदीको मूल्य भने स्थिर छ ।
आज चाँदीको मूल्य प्रतितोला १३ सय ५ रुपैयाँ कायम छ ।
गत साताको शुक्रबार पनि चाँदीको कारोबार मूल्य यही कायम थियो ।
