इन्द्रेणीपोष्ट
काठमाडौं । काठमाडौं विश्वकै छैटौं प्रदूषित राजधानीका रुपमा देखिएको छ ।
वायु गुणस्तर मापन गर्ने स्विट्जरल्याण्डको कम्पनी आईक्यु एयरले सार्वजनिक गरेको सन् २०२१ को नतिजाअनुसार विश्वका १०७ राजधानीमध्ये नेपालको राजधानी सहर काठमाडौं छैटौं स्थानमा देखिएको हो ।
विश्वका सहरको सूचीमा भने काठमाडौं ११ औं स्थानमा छ । विश्वको सबैभन्दा प्रदूषित राजधानी भारतको दिल्ली बनेको छ । दोस्रो स्थानमा बंगलादेशको ढाका देखिएको छ ।
विश्वको सबैभन्दा प्रदूषित सहर भने पाकिस्तानको लाहोर बनेको छ । त्यस्तै चादको राजधानी नाजामेना तेस्रो, ताजिकिस्तानको दुसान्बे चौथो र ओमानको मस्काट पाचौं स्थानमा छन् ।
विश्वको सबैभन्दा प्रदूषित मुलुक वा क्षेत्रको सूचीमा भने नेपाल १०औं स्थानमा छ । विश्वको सबैभन्दा प्रदूषित मुलुकको सूचीको पहिलो स्थानमा बंगलादेश छ ।
दोस्रोमा चाद, तेस्रोमा पाकिस्तान, चौथोमा ताजिकिस्तान तथा पाँचौं स्थानमा भारत छ ।
