इन्द्रेणीपोष्ट
स्लामावाद । पाकिस्तानको राष्ट्रिय सभामा प्रधानमन्त्री इमरान खानविरुद्धको अविश्वासको प्रस्ताव सफल भएको छ ।
प्रस्तावको पक्षमा १७४ सदस्यले मतदान गरेका छन् । इमरान खानको पार्टीका सांसदहरुले भने मतदान बहिष्कार गरेका थिए ।
नेशनल एसेम्बलीका सभामुख असद कैसरले प्रधानमन्त्री इमरान खान विरुद्धको अविश्वासको प्रस्तावमा मतदान गर्न अनुमति नदिएपछि पाकिस्तानका प्रधानन्यायाधीशले १२ बजे सर्वोच्च अदालतको ढोका खोल्ने निर्णय गरेका थिए ।
यस्तो अवस्थामा अदालतको आदेशपछि मध्यरातमा अविश्वासको प्रस्तावमा मतदान भएको थियो ।
इमरान खानको सरकार ढलेपछि पाकिस्तानको भावी प्रधानमन्त्री शाहबाज शरीफ हुन सक्छन् । विपक्षी दलले प्रधानमन्त्री पदका लागि शाहबाज शरीफलाई प्राथमिकतामा राखेका छन् ।
पाकिस्तानमा अहिलेसम्म कुनै पनि प्रधानमन्त्रीले आफ्नो कार्यकाल पूरा गरेका छैनन् । अविश्वासको प्रस्तावमार्फत प्रधानमन्त्री पदबाट हट्ने इमरान पहिलो प्रम हुन् ।
प्रधानमन्त्री इमरान खान प्रधानमन्त्री निवासबाट बाहिरीसकेका छन् । राष्ट्रिय सभामा प्रधानमन्त्री इमरान खानविरुद्धको अविश्वासको प्रस्तावमाथि कारबाही भइरहेको समयमा नै उनी प्रम निवासबाट बाहिरिएका थिए ।
राष्ट्रिय सभामा अविश्वासको प्रस्ताव सफल भएपछि सदनलाई सम्बोधन गर्दै पीएमएल(एनका अध्यक्ष शाहबाज शरीफले आज पाकिस्तानले संविधान र कानूनको पुनर्स्थापना गर्न चाहेको बताए ।
पीएमएल(एनका अध्यक्ष शाहबाज शरीफले आफूहरु कसैसँग बदला नलिने तर कानूनले आफ्नो बाटो लिने बताएका छन् ।
राष्ट्रिय सभामा अविश्वासको प्रस्ताव सफल भएपछि सदनलाई सम्बोधन गर्दै पीपीपीका अध्यक्ष बिलावल भुट्टो जर्दारीले अप्रिल १० को ऐतिहासिक महत्व रहेको बताए ।
उनले सदनलाई गत वैशाख १० गते १९७३ को संविधान पारित गरेको स्मरण गराए । उनले भने, ुपुरानो पाकिस्तानमा स्वागत छ ।
साथै पाकिस्तानका महान्यायाधिवक्ता खालिद जावेद खानले पनि पदबाट राजीनामा दिएका छन् । यो समाचार अन्नपूर्णपोष्ट दैनिकमा छ ।
