इन्द्रेणीपोष्ट
काठमाडौं । सरकारले यस वर्ष पनि संघ सरकारअन्तर्गत कार्यरत ४२ हजार निजामती कर्मचारीमध्येबाट एक जना पनि सर्वोत्कृष्ट कर्मचारी भेटाउन सकेन ।
‘व्यावसायिक र सिर्जनशील प्रशासन ः विकास, समृद्धि र सुशासन’को नारा दिँदै निजामती सेवा दिवस मनाइरहेको सरकारले गत वर्षझैँ यो वर्ष पनि सर्वोत्कृष्ट कर्मचारी छनोट गर्न नसकेको हो ।सरकार केही वर्षदेखि सर्वोत्कृष्ट निजामती पुरस्कार छनोट गर्न असफल हँुदै आएको छ ।
बिहीबार बसेको मन्त्रिपरिषद् बैठकले १० जनालाई उत्कृष्ट निजामती पुरस्कार र ३० जनालाई निजामती पुरस्कार दिने निर्णय गरेको छ । तर, १ जनालाई सर्वोत्कृष्ट पुुरस्कार दिन निर्णय सरकारले गर्न सकेन ।
सर्वोत्कृष्ट पुरस्कारको राशि २ लाख रुपियाँ रहेको छ । तर, सो पुरस्कार कसैले पनि पाउन नसक्दा २ लाखको पुरस्कार खेर गएको छ । यो समाचार नेपाल समाचारपत्रमा छ ।
