इन्द्रेणीपोष्ट
रामेछाप । प्रधानमन्त्री कृषि आधुनिकीकरण परियोजना रामेछापले प्राविधिक सहयोग तथा बजारीकरणमा सहयोग गरेपश्चात् रामेछापका कृषक आलु खेतीतर्फ आकर्षित भएका छन् ।
परियोजनाले रामेछापका दुई स्थानीय तहलाई आलु जोन घोषणा गरी काम गरी रहेको छ । रामेछापको उत्तरी क्षेत्रका उमाकुण्ड गाउँपालिका र गोकुलगङ्गा गाउँपालिका आलुजोन घोषण गरी काम गरिरहेको छ ।
परियोजनाले जोन क्षेत्रका कृषकलाई प्राविधिक सहयोगसहित सिँचाई तथा बजारीकरणमा समेत सहयोग गरेको छ । गोकुलगङ्गा गाउँपालिकाका ४७ वर्षका पेम्वा शेर्पाले यो वर्षमा २० लाख बराबरको आलु निर्यात गरेको बताउनुहुन्छ ।
उहाँले हाल १ सय २० रोपनीमा आलु खेती गर्दा सो रकम बराबरको आलु बेच्नु भएको हो । शेर्पाले उक्त क्षेत्रमा आलु खेती गर्दा ८ लाख खर्च भएको बताउनुभयो । यसर्थ सबै खर्च कटाउँदा उहाँले यस वर्ष १२ लाख खुद नाफा गर्न सफल हुनुभएको छ
कृषकलाई व्यावसायिक उत्पादन गर्न प्रधानमन्त्री कृषि आधुनिकीकरण परियोजनाले सहयोग गरेको बताउँनुहुन्छ, –हिमालयन पोटेटो डेभलमेन्ट तथा रिसर्च प्रालि गोकुल गङ्गा गाउँपालिका रामेछापका सञ्चालक लक्षण केसी ।
परियोजनाले प्राविधिक सहयोग र किसानहरूमा प्रोत्साहन बजार व्यवस्थापन र गुणस्तरीय आलुको बीउ उत्पादन अनि भण्डारमा समेत सहयोग गरेको केसी बताउँनुहुन्छ । भने परियोजनाले सिचाइको लागि समेत सहयोग गरेको छ ।
एकीन डेटा भदौ महिनाको अन्तिममा आउने भए पनि यो समाचार तयार पार्दासम्म करिब २० करोड बराबरको आलु निर्यात् भएको प्रधानमन्त्री कृषि आधुनिकीकरण परियोजना रामेछापका प्रमुख थिरलाल गैरेले बताउनुभयो । उहाँका अनुसार हाल रामेछापमा ३२ सय ९० हेक्टरभन्दा क्षेत्रमा आलु खेती हुने गरेको छ ।
