इन्द्रेणीपोष्ट
साङ्घाई सहयोग सङ्गठनका देशहरूले यस क्षेत्रमा देखिएका समस्याहरूलाई बाह्य देशको हस्तक्षेप विना आफ्नै ढङ्गले गर्नुपर्ने चिनियाँ प्रधानमन्त्रीले बताएका छन् ।
सङ्गठनको उद्देश्य यसका सदस्यहरू देशहरूले क्षेत्रीय मामिलाहरू क्षेत्र बाहिरको हस्तक्षेप बिना क्षेत्रीय देशहरूको आपसी परामर्श मार्फत निर्णय गर्ने सुनिश्चित गर्न ल्याइएको पनि प्रधानमन्त्री ली छ्याङले बिहीबार बताएका हुन् ।
एससीओ सदस्य राष्ट्रहरूका सरकार प्रमुखहरूको परिषद्को २२ औँ बैठकलाई सम्बोधन गर्दै प्रधानमन्त्री लीले यस क्षेत्रमा संयुक्त रूपमा सुरक्षा अवरोध निर्माण गर्न र बाह्य हस्तक्षेपको दृढतापूर्वक प्रतिरोध गर्न समेत आह्वान गरे ।
