इन्द्रेणीपोष्ट
काठमाडौं । नेपाली कांग्रेसले प्रधानमन्त्री पुष्पकमल दाहाल 'प्रचण्ड'ले चरम अवसरवादी चरित्र प्रस्तुत गरेको निष्कर्ष निकालेको छ ।
आज पार्टी सभापति शेरबहादुर देउवा निवास बूढानीलकण्ठमा बसेको बैठकले सरकारलाई दिएको समर्थन फिर्ता लिने निर्णय गरेको छ ।
बैठकपछि उपसभापति धनराज गुरुङले भने । “मन्त्रीहरूले असहयोग गरेको बाहना मात्र हो, उहाँ चरम असरवादी हो । सरकार नछोड्नकै लागि उहाँले कांग्रेसको काँधबाट एमालेको काँध चढ्नुभयो। हामीले गल्ती गरेका छैनौँ‚” उनले भने ।
उनले अब प्रचण्डलाई काँध नथाप्ने भन्दै सकेको दिन अरूलाई लिएर आफ्नै नेतृत्वमा सरकार बनाउने दाबी गरे ।
