इन्द्रेणीपोष्ट
काठमाडौं । सत्तारुढ दल नेकपा (एकीकृत समाजवादी) को संसदीय दलको बैठकले प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ ।
बुधवार बसेको संसदीय दलको बैठकले सो निर्णय गरेको हो । बैठकपछि सञ्चारकर्मीहरुसँग कुरा गर्दै पार्टीका प्रमुख सचेतक मेटमणि चौधरीले बैठकले प्रधानमन्त्रीमा १५/१५ महिनाको सहमतिअनुसार कार्यान्वयन नभए फरक तरिकाले सोच्ने बारेमा पनि निर्णय भएको बताए ।
सहमति कार्यान्वयन हुनेगरी विश्वासको मत दिने निर्णय गरिएको उनको भनाइ छ । सहमति कार्यान्वयन हुन सकेन भएन भने फरक तरिकाले सोच्न सक्ने निर्णय गरेका छौँ ।
