इन्द्रेणीपोष्ट
काठमाडौं । फोर्ब्स म्यागजिनले डलर अर्बपतिहरूको नयाँ सूची सार्वजनिक गरेको छ । फोब्र्सले यो वर्षको मार्चदेखि स्टक मूल्य र विनिमय दरहरूको आधारमा विश्वका डलर अर्बपतिहरूको नयाँ सूची सार्वजनिक गरेको हो ।
यो वर्ष डलर अर्बपतिहरूको संख्या १४१ जना बढेको छ । अघिल्लो वर्ष २ हजार ६४० जना डलर अर्बपति रहेकामा यसपालि बढेर २ हजार ७८१ जना पुगेका छन् ।
लुई भिटन तथा सेफोरा लगायतका ७५ वटा फेसन तथा कस्मेटिक ब्राण्डका मालिक बर्नार्ड अर्नाल्ड यसपालि पनि धनाढ्यहरूको सूचीको पहिलो नम्बरमै छन् । फ्रेन्च अर्बपति बर्नार्डको २२३ बिलियन डलर रहेकको फोब्र्सले उल्लेख गरेको छ ।
टेस्ला तथा स्पेस एक्सका मालिक एलन मस्क सूचीको दोस्रो नम्बरमा छन्। उनको सम्पत्ती १९५ बिलियन अमेरिकी डलर रहेको फोब्र्सले उल्लेख गरेको छ ।
तेस्रोमा जेफ बेजोस र चौथोमा मार्क जुकरबर्ग छन् । भारतका मुकेश अम्बानी नवौं नम्बरमा छन्। उनको सम्पत्ति ११६ बिलियन रहेको फोब्र्सले उल्लेख गरेको छ ।
नेपालको एकमात्रै डलर अर्बपति विनोद चौधरी सूचीको १ हजार ७६४ औं नम्बरमा छन्। उनको सम्पत्ति १।८ बिलियन डलर रहेको उल्लेख छ । यसपालि डलर अर्बपतिहरूको सम्पत्ति समग्रमा १४।२ ट्रिलियन डलर पुगेको छ । यो भनेको अघिल्लो वर्षको भन्दा २ ट्रिलियन डलर बढी हो ।
डलर अर्बपतिहरुको कुल संख्यामध्ये ८१३ जना अमेरिकी छन् । चीनका ४७३ र भारतका २ सय जना छन् ।फोर्ब्सको वेबसाइटबाट
