इन्द्रेणीपोष्ट
काठमाडौं । जाजरकोट भेरी नगरपालिका–८ का नेकपा (एमाले) संस्थापकसहित नौ जनाले माओवादी केन्द्रमा प्रवेश गरेका छन् । बिहीबार पार्टीको कार्यकता तथा प्रशिक्षण भेलामा एमाले परित्याग गरी नौ जनाले माओवादी केन्द्रमा प्रवेश गरेका हुन् ।
भेरी नगरपालिका–८ का एमाले संस्थापक वीरेन्द्रबहादुर कार्की, वडा नम्बर ७ का गोपाल बुढा, श्यामबहादुर बुढा, लालवीर बुढा, भरत राना, लालबहादुर बिक, कलिवान टमाटा र हिमाल बुढाले माओवादी केन्द्रमा प्रवेश गरेका छन् ।
नवप्रवेशीलाई राष्ट्रिय सभा सदस्य मायाप्रसाद शर्मा ‘पारसमणि’ले स्वागत गरेका थिए । उनले खादा पहिराएर पार्टीमा स्वागत गरेको माओवादी केन्द्र कर्णाली प्रदेश सचिवालय कमिटीका सदस्य ईमाश्वर देवकोटा ‘विराग’ले बताए ।
पारसमणिले एमाले परित्याग गरी माओवादी केन्द्रमा प्रवेश गरेका नवप्रवेशीलाई पार्टीमा स्वागत गर्दै सबैलाई बधाईसमेत दिएका थिए । उनले सबैलाई समान हैसियतमा पार्टीमा व्यवस्थापन गर्ने बताएका छन् । यसका साथै उनले पार्टीलाई थप गति दिन प्रवेशीहरुको भूमिका उल्लेखनीय हुने अपेक्षा लिएको बताएका छन् ।
हेर्नुहोस् प्रवेशीको सूची :
