इन्द्रेणीपोष्ट
काठमाडौँ । गृहमन्त्री रमेश लेखकले प्रधानमन्त्री केपी शर्मा ओलीको स्पेन भ्रमणमा सरकारी प्रतिनिधिमण्डल बाहेक गएको भन्ने विषयमा निष्पक्ष छानबिन गर्न कडा निर्देशन दिएका छन ।
मन्त्री लेखकले आज स्पेन भ्रमणबारे छानबिन गर्न गृह सचिव गोकर्णमणि दुवाडी र प्रहरी महानिरीक्षक दीपक थापालाई निर्देशन दिएको उनको सचिवालयले जानकारी दिएको छ ।
“प्रधानमन्त्रीको प्रतिनिधिमण्डल बाहेक स्पेन को को गए, कुन विधि प्रक्रिया र कुन संस्थामार्फत स्पेन भ्रमण गए भन्ने विषय छानबिन गर्न निर्देशन दिएको छु”, मन्त्री लेखकले भने, “स्पेन जाने भिजिट भिषाको प्रबन्ध कसले ग¥यो लगायतका विषयमा अनुसन्धान हुनेछ ।”
उक्त विषयको गहन छानबिनका लागि प्रहरीको केन्द्रीय अनुसन्धान ब्युरो र मानब बेचबिखन अनुसन्धान ब्युरो खटिनेछ । “यस विषयमा दोषी देखिएकालाई कारबाही गरिने छ”, मन्त्रीले भने । प्रधानमन्त्री ओली यही असार १४ गते स्पेन भ्रमण गरेका थिए।
सोमबार, असार ३० गते २०८२
Jul 14 2025 Monday
