काठमाडौँ, १३ भदौः दक्षिण एसियाली फुटबल महासङ्घ साफ १७ वर्षमुनिका महिला च्याम्पियनसिपअन्तर्गत आज नेपाल र भारतबीच खेल हुँदैछ ।
अखिल नेपाल फुटबल सङ्घ एन्फा का अनुसार खेल नेपाली समयअनुसार आज अपराह्न ६ः०० बजे सुरु हुनेछ ।
डबल राउन्ड रोबिन लिगका आधारमा जारी प्रतियोगितामा भारत १२ अङ्कसहित शीर्ष स्थानमा छ भने नौ अङ्कसहित बङ्गलादेश दोस्रो स्थानमा रहेको छ । तीन अङ्क मात्रै जोड्न सफल नेपाल तेस्रो स्थानमा छ भने घरेलु मैदानमा खेलेको भुटान कुनै अङ्क जोड्न नसकी चौथो स्थानमा छ ।
प्रतियोगितामा नेपाल, भारत, बङ्गलादेश र भुटान गरी चार टोली सहभागी छन् । नेपालले यही भदौ १५ गते अन्तिम खेलमा भुटानसँग प्रतिस्पर्धा गर्नेछ । उपाधि जित्ने होडबाट भने नेपाल बाहिरिएको छ ।