आइतबार, भदौ १५ गते २०८२ Aug 31 2025 Sunday
images
images

प्रधानमन्त्री ओली चीन प्रस्थान, ‘एससिओ’ शिखर सम्मेलनमा नेपालको नेतृत्व


  • 388
    SHARES
  • https://indrenipost.com/posts/10034
    भदौ १४, २०८२ शनिबार
    प्रधानमन्त्री ओली चीन प्रस्थान, ‘एससिओ’ शिखर सम्मेलनमा नेपालको नेतृत्व

    काठमाडौँ, १४ भदौ । प्रधानमन्त्री केपी शर्मा ओली आज २३ सदस्यीय नेपाली प्रतिनिधिमण्डलको नेतृत्व गर्दै चीनको तियान्जिनतर्फ प्रस्थान गरेका छन । उनले साङ्घाई सहयोग संगठन एससिओ को शिखर सम्मेलनमा नेपालको तर्फबाट सहभागी हुँदै सम्बोधन गर्नेछन ।
    त्रिभुवन अन्तर्राष्ट्रिय विमानस्थलको अतिविशिष्ट कक्षमा उपप्रधानमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा. आरजु राणा देउवा, मुख्यसचिव एकनारायण अर्याललगायत उच्च पदस्थ अधिकारीहरूले प्रधानमन्त्रीलाई बिदाइ गरेका थिए । यस अवसरमा नेपाली सेनाको टुकडीले सम्मान गारत अर्पण गरेको थियो ।
    भ्रमणका क्रममा प्रधानमन्त्री ओलीले चीनका राष्ट्रपति सी चिनफिङसँग भेटवार्ता गर्नुहुनेछ भने सेप्टेम्बर १ मा हुने शिखर सम्मेलनलाई सम्बोधन गर्ने कार्यतालिका रहेको छ । उनले सेप्टेम्बर २ मा बेइजिङमा चीनका उपराष्ट्रपति हान झेङसँग भेटवार्ता गर्ने कार्यक्रमसमेत तय भएको परराष्ट्र मन्त्रालयले जनाएको छ ।
    शिखर सम्मेलनको क्रममा प्रधानमन्त्री ओलीले रुसका राष्ट्रपति भ्लादिमीर पुटिन, माल्दिभ्सका राष्ट्रपति डा. मोहमद मिज्जु, कम्बोडियाका प्रधानमन्त्री डा. सोमदेक मोहा बोरभोर तिपाहदे हुन महानेट, लाओसका प्रधानमन्त्री सोनेसाइ सिपानडोन र भियतनामका प्रधानमन्त्री फाम मिन चिङसँग छुट्टाछुट्टै भेटवार्ता गर्ने तय भएको छ ।
    सन् २०१६ देखि एससिओको संवाद साझेदार रहेको नेपालका लागि यो सम्मेलन महत्वपूर्ण अवसरका रूपमा रहेको परराष्ट्र मन्त्रालयले जनाएको छ । चीन, रूस, भारत, पाकिस्तान, काजकिस्तान, कीर्गिस्तान, ताजिकिस्तान, उज्बेकिस्तान, इरान र बेलारुस यस संगठनका सदस्य मुलुक हुन् ।
    प्रधानमन्त्री ओलीसँग उहाँकी धर्मपत्नी राधिका शाक्य, शिक्षा, विज्ञान तथा प्रविधि मन्त्री रघुजी पन्त, संस्कृति, पर्यटन तथा नागरिक उड्डयन मन्त्री बद्रीप्रसाद पाण्डे, सांसद पूर्णबहादुर खड्का, प्रधानमन्त्रीका आर्थिक तथा विकास सल्लाहकार डा. युवराज खतिवडा, एमाले सांसद छविलाल विश्वकर्मालगायत उच्च अधिकारी पनि भ्रमणमा सहभागी छन् । प्रधानमन्त्री ओली भदौ १८ गते स्वदेश फर्कने कार्यक्रम छ ।

    images

    इन्द्रेणीपोष्ट
    मिडिया टुडे प्रा.लि.द्धारा सञ्चालित

    प्रतिक्रिया दिनुहोस
    सम्बन्धित समाचार

    © 2025 All right reserved to indrenipost.com | Site By : Sobij