इन्द्रेणीपोष्ट
कैलाली, १४ भदौ । धनगढी उपमहानगरपालिका–२ मिलनचोकस्थित एक होटल सञ्चालकलाई प्रहरीले पाँच किलोभन्दा बढी चरेशसहित पक्राउ गरेको छ ।
बझाङको बुङ्गल नगरपालिका–८ घर भई हाल धनगढी–२ मा रहेको जयराम होटल एण्ड लज रेस्टुराँ सञ्चालन गर्दै आएका राम बोहरालाई पाँच किलो ६९० ग्राम चरेशसहित नियन्त्रणमा लिइएको जिल्ला प्रहरी कार्यालय कैलालीका प्रहरी निरीक्षक लोकराज जोशीले जानकारी दिएका छन ।
उनका अनुसार शङ्काका आधारमा होटलमा चेकजाँच गर्दा उक्त चरेश बरामद भएको हो । पक्राउ परेका बोहरा हाल प्रहरी हिरासतमा रहेका छन् ।
त्यसैगरी जिल्लाका विभिन्न स्थानमा प्रहरीले छुट्टाछुट्टै अभियान सञ्चालन गरी चार ग्राम ९० मिलिग्राम खैरो हिरोइनसहित चार जनालाई समेत पक्राउ गरेको छ । उनीहरूलाई आवश्यक कारबाहीका लागि प्रहरी हिरासतमा राखी थप अनुसन्धान भइरहेको प्रहरीले जनाएको छ ।
आइतबार, भदौ १५ गते २०८२
Aug 31 2025 Sunday
