इन्द्रेणीपोष्ट
गलकोट बागलुङ, १४ भदौ । अविरल वर्षाले कालीगण्डकी करिडोरको बागलुङ खण्ड अवरुद्ध बनेको छ ।
बागलुङ नगरपालिका–१३ कालाखोला क्षेत्रमा आज बिहान ठूलो पहिरो खस्दा सडक पूर्णरूपमा अवरुद्ध भएको जिल्ला प्रहरी कार्यालय बागलुङका सूचना अधिकारी केशव थापाले जानकारी दिएका छन ।
राष्ट्रिय गौरवको आयोजना अन्तर्गत रहेको कालीगण्डकी करिडोर लामो समयदेखि पहिरोको समस्या झेल्दै आएको छ । सोही क्षेत्रमा यसअघि पनि पटक–पटक ठूलो पहिरो खसेका कारण यातायात प्रभावित हुँदै आएको थियो ।
प्रहरीका अनुसार हाल सडक खुलाउन कठिनाइ भइरहेको छ । वर्षा रोकिएलगत्तै कालीगण्डकी करिडोर आयोजना, निर्माण व्यवसायी र बागलुङ नगरपालिका मिलेर सडक खुलाउने प्रयास गर्ने तयारी भइरहेको छ ।
आइतबार, भदौ १५ गते २०८२
Aug 31 2025 Sunday
