इन्द्रेणीपोष्ट
काठमाडौँ । विजया दशमीको चौथो दिन आज पनि आफन्तजन तथा मान्यजनबाट टिका लगाउने र आशीर्वाद लिने क्रम जारी छ ।
विजयादशमीका दिन टिका लगाउन छुटेका वा टाढा टाढा भएकाहरूले कोजागत पूर्णिमासम्म टिका लगाउने परम्परा रही आएको छ । यद्यपि पश्चिमी नेपालमा भने विजया दशमीको दिन मात्र टिका लगाउने प्रचलन छ ।
घटस्थापनादेखि नौ दिनसम्म दुर्गा भवानीको पुजा आराधना गरेर राखिएको जमरासहितको टिका विजयादशमीदेखि पूर्णिमासम्म लगाउने प्रचलन रहेको छ ।
यसैबीच दशैँको अवधिमा बन्द रहेका सरकारी कार्यालयहरू हिजो (आइतबार)बाट खुलेका छन् । फूलपातीको दिनदेखि ५ दिनसम्म दशैँ बिदा मनाएकाहरू नियमित कार्यालयमा फर्किनेछन् ।
