इन्द्रेणीपोष्ट
काठमाडौँ, १५ भदौः नेपाल पत्रकार महासङ्घले ‘अनलाइन’ सञ्चारमाध्यमको दर्ता र नवीकरण स्थानीय तहबाट गर्ने व्यवस्था मिलाउन सरकारसँग माग गरेको छ । महासङ्घले आज प्रेस विज्ञप्ति जारी गर्दै हालको प्रणालीप्रति असन्तुष्टि व्यक्त गर्दै तत्काल प्रावधान संशोधन गर्न माग गरेको हो ।
महासङ्घका महासचिव रामप्रसाद दाहालका अनुसार सरकारले आमसञ्चारसम्बन्धी विधेयक मार्फत अनलाइन दर्ता र नवीकरण स्थानीय तहबाट गराउने प्रतिबद्धता व्यक्त गरेका थिए । आज मन्त्रालयका सचिव र महासङ्घका अध्यक्ष सहितको प्रतिनिधिमण्डल बीच भएको छलफलमा अर्को व्यवस्था नभएसम्म प्रेस काउन्सिल नेपाल र नेपाल विज्ञापन बोर्डले अनलाइन सञ्चारमाध्यमको सूचीकरण यथावत् राख्ने र सूचना तथा प्रसारण विभागले प्रेस प्रतिनिधि प्रमाणपत्र साविक बमोजिम जारी गर्ने सहमति भएको महासङ्घले जनाएको छ ।
बुधबार, भदौ १८ गते २०८२
Sep 03 2025 Wednesday
