इन्द्रेणीपोष्ट
नवलपुर नवलपरासी, १८ भदौः बर्दघाट–सुस्तापूर्वको देवचुली–१५ लोकाहामा गए राति भएको कन्टेनर र ट्रक दुर्घटनामा एक जनाको मृत्यु भएको छ भने दुई जना घाइते भएका छन् । जिल्ला प्रहरी कार्यालयका अनुसार मृतक पश्चिम नवलपरासी सुस्ता गाउँपालिका–१ का ३५ वर्षीय कन्टेनर चालक माधव पङ्गेनी हुन् । उनको उपचारका क्रममा आज बिहान भरतपुरस्थित कलेज अफ मेडिकल साइन्सेसमा मृत्यु भएको हो ।
दुर्घटनामा गम्भीर घाइते भएका कन्टेनरका सहचालक चितवन राप्ती नगरपालिका–७ का ३६ वर्षीय रामबहादुर सार्की र ट्रक चालक महोत्तरी बर्दिबास नगरपालिका–११ का ३० वर्षीय बिचबहादुर थिङलाई भरतपुरस्थित एलाइभ हस्पिटल एण्ड ट्रमा सेन्टरमा उपचार भइरहेको प्रहरीले जनाएको छ ।
प्रहरीका अनुसार दुर्घटना बुटवलतर्फ गइरहेको कन्टेनर र नारायणघाटतर्फ आइरहेको ट्रक एकआपसमा ठोक्किँदा भएको हो ।
बुधबार, भदौ १८ गते २०८२
Sep 03 2025 Wednesday
