पेट्रोलियम पदार्थको मूल्य घट्यो

577

काठमाडौँ, १५ भदौः नेपाल आयल निगमले पेट्रोलियम पदार्थको मूल्य घटाएको छ । निगम सञ्चालक समितिको निर्णयअनुसार आज रातिदेखि लागू हुने गरी डिजेल÷मट्टितेलमा प्रतिलिटर चार रुपैयाँ, आन्तरिक हवाई इन्धनमा प्रतिलिटर एक रुपैयाँ र अन्तर्राष्ट्रिय हवाई इन्धनमा प्रतिकिलोलिटर अमेरिकी डलर सातले मूल्य घटाइएको छ ।
पेट्रोल तथा एलपी ग्यासको मूल्य भने यथावत् राखिएको छ । नयाँ बिक्री मूल्यअनुसार डिजेल÷मट्टितेलको खुद्रा मूल्य क्रमशः १४२.५०, १४४ र १४५ रुपैयाँ तोकिएको छ । आन्तरिक हवाई इन्धनको मूल्य प्रतिलिटर १२७ रुपैयाँ र अन्तर्राष्ट्रिय हवाई इन्धन काठमाडौँका लागि प्रतिकिलोलिटर अमेरिकी डलर ९६६ निर्धारण गरिएको छ ।
नेपाल आयल निगमका अनुसार इन्डियन आयल कर्पोरेसनबाट मूल्य घटेर आएको भएकाले नेपाली बजारमा मूल्य समायोजन गरिएको हो ।