इन्द्रेणीपोष्ट
दाङ । दाङमा प्रहरीले विभिन्न घरेलु हतियार देखाएर स्थानीयलाई त्रसित पार्ने ७ जनालाई पक्राउ गरेको छ ।
पक्राउ पर्नेमा तुलसीपुर उपमहानगरपालिका ९ निवासी २५ वर्षीय सन्तोष बस्याल, तुलसीपुर ३ का १६ वर्षीय मनोज बिक, २३ वर्षीय पोषण ओली, १७ वर्षीय विवेक बस्नेत, २१ वर्षीय अलिज मिया, तुलसीपुर (६ का २१ वर्षीय केतु ओली र तुलसीपुर(९ निवासी १८ वर्षीय मोहन बस्नेत रहेको जिल्ला प्रहरी कार्यालय दाङले जनाएको छ ।
आइतबार बिहान ५ बजेतिर तुलसीपुर(३ भ्युडरस्थित खालीगोठबाट ७ जनालाई पक्राउ गरेको जिल्ला प्रहरी कार्यालय दाङका प्रवक्ता एवं डिएसपी मुकुन्दप्रसाद रिजालले जानकारी दिए ।
उनका अनुसार मादक पदार्थ सेवन गरी पेस्तोल आकारको आगो बाल्ने लाइटर एक थान, खुँडा एक थान, हँसिया ३ थान र बन्चरो १ थान साथमा राखी स्थानीयलाई त्रसित पारेको भन्ने सूचनाको आधारमा इलाका प्रहरी कार्यालय तुलसीपुरबाट गएको टोलीले उनीहरूलाई पक्राउ गरेको हो ।
त्यस्तै प्रहरीले तुलसीपुरबाट अपहरणको अफवाह फैलाउने एकजना पक्राउ गरेको छ ।
