काठमाडौंको मध्यबानेश्वर क्षेत्रबाट चिनियाँ नागरिकसहित ३७ जना पक्राउ परेका छन् ।
पक्राउ पर्नेमा एक चिनियाँ नागरिक, १३ नेपाली युवती र अरू नेपाली पुरुष छन् । उनीहरुलाई गए राति महानगरीय प्रहरी परिसर काठमाडौंको टोलीले पक्राउ गरेको हो ।
उनीहरूले लेमन ग्रुप अफ कम्पनीका नाममा काम गर्दै आएको खुलेको र थप अनुसन्धान जारी रहेको परिसर काठमाडौंका एसपी दिनेशराज मैनालीले जानकारी दिए ।
उनका अनुसार बैंक तथा वित्तीय कारोबार ऐनअन्तर्गत उनीहरूमाथि अनुसन्धान र कारबाही प्रक्रिया अगाडि बढ्नेछ ।
© 2025 All right reserved to indrenipost.com | Site By : Sobij
