इन्द्रेणीपोष्ट
चितवन — बाघको आक्रमणले चितवनमा एकजनाको ज्यान गएको छ । आइतबार बिहान कुमरोज मध्यवर्ती सामुदायिक वनमा गएका खैरहनी नगरपालिका १३ बैरियाका ६५ वर्षीय नारायण दाहाल बाघको आक्रमणमा पर्दा ज्यान गएको चितवन प्रहरीले बताएको छ ।
घाँसे मैदानमा घाँस काट्दै गर्दा दाहाललाई बाघले आक्रमण गरेको छ भन्ने खबर प्राप्त भएपछि खोजीका लागि प्रहरी, राष्ट्रिय निकुञ्ज र नेपाली सेनाको टोली हात्तीसहित जंगल छिरेको थियो ।
बिहान १० बजेतिर दाहालको शव बाघले आक्रमण गरेको ठाउँभन्दा अन्दाजी १ किलोमिटर पर फेला परेको चितवन प्रहरीका प्रवक्ता डीएसपी नरहरि अधिकारीले बताएका छन ।
