इन्द्रेणीपोष्ट
काठमाडौं । सरकारको सिफारिसमा कैद कट्टीसहित आममाफी पाएका रेशम चौधरीको मुद्दाको अन्तिम सुनुवाइ यहीँ कात्तिक २३ मा हुने भएको छ ।
सर्वोच्च अदालतले सर्वश्वसहित जन्मकैदको फैसाला सुनाएका नागरिक उन्मुक्ति पार्टीका संरक्षकसमेत रहेका चौधरीको मुद्दाको अन्तिम सुनुवाइ हुँदैछ ।
सरकारको सिफारिसमा राष्ट्रपति रामचन्द्र पौडेलले दिएको आममाफीविरुद्ध ‘कैलाली नरसंहार’ मा मारिएका तत्कालिन प्रहरी एसएसपी लक्ष्मण न्यौपानेका आफन्तले दिएको मुद्दाको सुनुवाइ कार्तिक २३ गते हुन लागेको हो ।
कानुनी व्यावसायी राधिका खतिवडा लगायतका दर्जनौं कानुन व्यावसायीहरुले विधिको शासन स्थापित गराउन न्यौपानेको परिवारको पक्षवाट निःशुल्क वकालत गर्दै आएका छन् ।
प्रहरी एसएसपी न्यौपानेसहित सो नरसंहारमा एक बालक हत्यासहित ९ जनाको निर्मम तरिकाले हत्या गरिएको थियो ।
सो अभियोगमा तत्कालिन प्रतिनिधिसभा सदस्यसमेत रहेका चौधरी आफनो कार्यकालभरी थुनिएका थिए ।
तर, सर्वोच्चले जन्मकैदको फैसाला सुनाएको केही दिनमै सरकारले उनलाई बाँकी कैद मिनाहा गरी आममाफी दिएको थियो ।
जसको विरुद्ध परेको रिटमाथी कार्तिक २३ गते अन्तिम सुनुवाइ हुन लागेको हो ।
