इन्द्रेणीपोष्ट
काठमाडौं । आज विजयादशमी । आफ्ना मान्यजनबाट टीका तथा जमरा लगाई हर्षोल्लासका साथ विजयादशमी पर्व मनाइँदैछ । मानिसहरु टीका लगाउन आफन्त कहाँ पुग्ने क्रम जारी छ ।
सडक पहिला भन्दा सुनसान देखिएको छ । सार्वजनिक यातायात पनि फाट्टफुट्ट मात्रै संचालन भएका छन् । तर, सडकमा अहिले टीका लगाउन जानेको संख्या बढेको छ ।
यसबिच ट्राफिक प्रहरीले काठमाडौंका विभिन्न स्थानमा चेकिङ प्वाइन्ट स्थापना गरेर सवारी साधनको चेकजाँच गरिरहेको छ ।
ट्राफिकले चोकचोकमा मापसे र लाइसेन्स चेकिङ गरिरहेको छ । ट्राफिक प्रहरीले चाडपर्वको बेला ट्राफिक नियम पालना गर्न सबैमा आह्वान गरेको छ ।
