इन्द्रेणीपोष्ट
रुकुम पश्चिम । रुकुम पश्चिमको सदरमुकाम खंलगामा प्रहरी र स्थानीय युवाबीच झडप हुँदा प्रहरी सहायक निरीक्षकसहित ७ जना प्रहरी घाइते भएका छन् ।
शुक्रबार राति खलंगाको बागबजारमा भएको झडपका क्रममा प्रहरी सहायक निरीक्षक कोमलराज बोहरासहित ७ जना प्रहरी घाइते भएको जिल्ला प्रहरी कार्यालय रुकुम पश्चिमले जनाएको छ ।
प्रहरी निरीक्षक कपिल शाहीका अनुसार घाइते प्रहरी सहायक निरीक्षक बोहरा र हवल्दार कालीबहादुर बोहरालाई थप उपचारका लागि काठमाडौं रेफर गरिएको छ ।
