इन्द्रेणीपोष्ट
काठमाडौँ, १७ भदौ – राष्ट्रियसभाको बैठक आज अपराह्न १ः१५ बजे सङ्घीय संसद् भवन नयाँ बानेश्वरमा बस्दैछ । बैठकको मुख्य एजेन्डा ‘सङ्घीय निजामती सेवा विधेयक, २०८०’ सम्बन्धी विधायन व्यवस्थापन समितिको प्रतिवेदन सभासमक्ष पेस गर्नु र भूमि ऐन संशोधन सम्बन्धी विधेयकमाथि विचार गर्नु हो ।
विधायन व्यवस्थापन समितिका सभापति तुलसाकुमारी दाहालले सो विधेयकको प्रतिवेदन पेस गर्नेछिन । सोमबार तय कार्यसूची भए पनि विधेयकमाथि छलफल नसकिँदा आज पेस हुने भएको हो ।
भूमि व्यवस्था, सहकारी तथा गरिबी निवारणमन्त्री बलराम अधिकारीले प्रतिनिधिसभाबाट प्राप्त ‘भूमिसम्बन्धी केही नेपाल ऐन संशोधन विधेयक, २०८२’ माथि विचार गर्न प्रस्ताव पेश गर्नेछन ।
आजै दुई संसदीय समितिको बैठक पनि बस्दैछद। राज्यव्यवस्था तथा सुशासन समितिले हालसम्मको कामकारबाहीको समीक्षा गर्नेछ भने विधायन व्यवस्थापन समितिले ‘सङ्घीय निजामती सेवा विधेयक’को मस्यौदा प्रतिवेदनमा छलफल गर्नेछ ।
शुक्रबार, भदौ २० गते २०८२
Sep 05 2025 Friday
