इन्द्रेणीपोष्ट
काठमाडौँ, १९ भदौः – संयुक्त राज्य अमेरिकाले डिपोर्ट गरेका थप १९ जना नेपाली आज साँझ त्रिभुवन अन्तर्राष्ट्रिय विमानस्थलमा अवतरण गरेका छन् । उनीहरूमा दुई महिला र १७ पुरुष रहेका छन् ।
सिनियर अध्यागमन अधिकृत अञ्जन न्यौपानेका अनुसार, अवतरणसँगै उनीहरूको आवश्यक प्रक्रिया पूरा गरी थप सोधपुछका लागि नेपाल प्रहरीलाई बुझाइएको छ ।
यसअघि विभिन्न चरणमा अमेरिकाबाट २१५ जना नेपाली डिपोर्ट भएर नेपाल फर्किसकेका छन् । यस घटनाले अमेरिकी सरकारले डिपोर्ट प्रक्रियालाई नियमित रूपमा जारी राखेको संकेत गर्दछ ।
नेपालमा फर्किएका व्यक्तिहरूलाई अध्यागमन कार्यालय र प्रहरीले आवश्यक प्रक्रिया पूरा गरी सुरक्षा र कानुनी दायराभित्र राख्ने व्यवस्था गर्दै आएको छ ।
शुक्रबार, भदौ २० गते २०८२
Sep 05 2025 Friday
