इन्द्रेणीपोष्ट
काठमाडौँ, १७ भदौ । न्यायपरिषद्को आजको बैठकले ६ जना जिल्ला न्यायाधीश नियुक्तिका लागि सिफारिस गर्ने निर्णय गरेको छ ।
सिफारिस सूचीमा काठमाडौँ जिल्ला सरकारी वकिल कार्यालयका जिल्ला न्यायाधिवक्ता गोकुलबहादुर निरौला, प्रशासकीय अदालतका उपरजिस्ट्रार अरुणकुमार कोइराला, रोल्पा जिल्ला अदालतका स्रेस्तेदार कुलप्रसाद दाहाल, सर्वोच्च अदालतका इजलास अधिकृत सूर्यप्रसाद भण्डारी, सर्वोच्च अदालतकी उपरजिस्ट्रार अनुपमा पन्त र कानुन, न्याय तथा संसदीय मामिला मन्त्रालयका उपसचिव विश्वदीप वेस्रा रहेका छन् ।
हाल जिल्ला अदालतमा २७ न्यायाधीशका पद रिक्त छन् । तीमध्ये २१ जना न्याय सेवा आयोगको खुला प्रतिस्पर्धाबाट नियुक्त हुनेछन् भने बाँकीमा न्यायपरिषद्को सिफारिसबाट नियुक्ति हुने बताइएको छ ।
बुधबार, भदौ १८ गते २०८२
Sep 03 2025 Wednesday
