इन्द्रेणीपोष्ट
चैनपुर बझाङ, १७ भदौ । बझाङको सुर्मा गाउँपालिका–३ कोलपाटा भन्ने स्थानमा जेसिबी दुर्घटना हुँदा एक जनाको ज्यान गएको छ भने दुई जना घाइते भएका छन् ।
जिल्ला प्रहरी कार्यालय बझाङका अनुसार सुर्मा गाउँपालिका–३ बाट सुर्मा जाने बाटोमा दौलिगाड खण्डमा सडक खुलाउने क्रममा आज साँझ ८ बजे जेसिबी पल्टिँदा कैलाली धनगढी उपमहानगरपालिका–३ का ३५ वर्षीय चालक रणबहादुर नेगीको घटनास्थलमै मृत्यु भएको हो ।
दुर्घटनामा सुर्मा गाउँपालिका–३ काँटैका रवी बोहरा र वडा नम्बर ५ का धर्मराज जेठारा घाइते भएका छन् । घाइतेहरूको स्थानीय स्वास्थ्य संस्थामा उपचार भइरहेको प्रहरीले जनाएको छ ।
बुधबार, भदौ १८ गते २०८२
Sep 03 2025 Wednesday
